Kürdəmirli müəllimdən Təhsil Nazirliyinə etiraz: “Ulu Öndərin kitabı məktəbdə 35-40 manata satılır”

Kürdəmir rayonunun bir qrup müəllimi Təhsil naziri Emin Amrullayev, Elm və Ali Təhsil üzrə Dövlət Agentliyinin rəhbəri Elxan İbrahimov (Kürdəmir rayon icra hakimiyyətinin başçısı), eləcə də digər nazirlik rəsmiləri – Eşqi Bağırov, Həmid Qasımov və Rəfail Məmmədova müraciət edərək, məktəblərdə Ulu Öndər Heydər Əliyevə həsr olunmuş kitabların yüksək qiymətə satılmasına etiraz edib.

Birxeber.az xəbər verir ki, Müəllimin iddiasına görə, bəzi məktəb direktorları bu kitabları 35–40 manat qiymətinə satır və bunun guya Nazirlər Kabinetindən deyil, nazirlik rəsmilərinin adından gəldiyini və ya bununla əlaqəli olduğunu bildirirlər:

 “Cənab Emin Amrullayev, cənab Elxan İbrahimov (Kürdəmir rayon icra hakimiyyəti başçısının adı ilə), cənab Eşqi Bağırov, cənab Həmid Qasımov, cənab Rəfail Məmmədov. Sizin direktorlar niyə məktəblərdə Ulu Öndərin kitablarını 35-40 manata satırlar? Kitablar sizin adlarınızla satılır. Ola bilsin direktor yalnış deyir, amma vəziyyət budur. Cənab Elçin Kərimov vaxtı belə hallar yox idi. Nümunə üçün mən niyə müəllim olaraq pul verməliyəm? Ümid edirəm ki, sabah bütün pulla satılan kitablar geri qaytarılacaq.”

Məsələ ilə bağlı Təhsil Nazirliyindən hələlik rəsmi açıqlama verilməyib.