Azərbaycan millisinin oyunlarının hakimləri açıqlanıb

FİFA tərəfindən ilk dəfə Bakıda təşkil olunacaq “FİFA series – Edition 2024” layihəsi çərçivəsində keçiriləcək oyunlara hakim təyinatları bəlli olub.

Apasport.az xəbər verir ki, bu barədə AFFA-nın mətbuat xidməti məlumat yayıb.

Azərbaycan millisinin Monqolustanla görüşünü türkiyəli hakimlər idarə edəcəklər. Bolqarıstanla matça isə Estoniya təmsilçiləri təyinat alıblar.

Bakıda keçiriləcək digər iki görüşdə Azərbaycan hakimləri ədaləti qoruyacaqlar. Bu matçlarda Əliyar Ağayevlə Elçin Məsiyev baş hakim olacaq.

22 mart
Tanzaniya – Bolqarıstan
Baş hakim: Əliyar Ağayev
Baş hakimin köməkçiləri: Zeynal Zeynalov, Akif Əmirəli
Dördüncü hakim: Rauf Cabbarov
"Liv Bona Dea Arena". Saat 17:00

Azərbaycan – Monqolustan
Baş hakim: Zorbay Küçük (Türkiyə)
Baş hakimin köməkçiləri: Mehmet Emin Tuqral, İbrahim Çağlar Uyarcan (Türkiyə)
Dördüncü hakim: Fəridə Lütfəliyeva
Tofiq Bəhramov adına Respublika stadionu. Saat 20:00

25 mart
Tanzaniya – Monqolustan
Baş hakim: Elçin Məsiyev
Baş hakimin köməkçiləri: Elşad Abdullayev, Pərvin Talıbov
Dördüncü hakim: Rəşad Əhmədov
"Liv Bona Dea Arena". Saat 17:00

25 mart
Azərbaycan – Bolqarıstan
Baş hakim: Kristo Tohver (Estoniya)
Baş hakimin köməkçiləri: Sander Saqa, Sten Klaasen (Estoniya)
Dördüncü hakim: İnqilab Məmmədov
Tofiq Bəhramov adına Respublika stadionu. Saat 20:00