Azərbaycan ötən il Şərqi Anadoludan məhsul ixracında 3-cü ölkə olub

Azərbaycan ötən il Şərqi Anadoludan məhsul ixracında 3-cü ölkə olub
“Ötən il Türkiyə İxracatçılar Məclisi və Şərqi Anadolu İxracatçılar Birliyinə (DAİB) üzv şirkətlərin ən çox məhsul ixrac etdiyi ölkə 630 milyon ABŞ dolları ilə İraq olub. Siyahıda bu ölkəni 156 milyon 396 dollarlıq ixracatla İran, 148 milyon dollarla Azərbaycan-Naxçıvan, 119 milyon dollarla Almaniya və 114 milyon dollarla Türkmənistan izləyir”.
birxeber.az bildirir ki, bu fikirləri Türkiyə İxracatçılar Məclisi və Şərqi Anadolu İxracatçılar Birliyinin (DAİB) İdarə Heyətinin sədri Ethem Tanrıver deyib.
DAİB rəhbəri vurğulayıb ki, 2021-ci ildə birliyə üzv şirkətlərin ixracı 2 milyard 542 milyon ABŞ dolları təşkil edib. DAİB 2022-ci ildə 3 milyard dollarlıq ixracatı qarşısına məqsəd qoyub.
Qeyd edək ki, ötən ilin yanvarında Türkiyənin Şərqi Anadolu İxracatçılar Birliyinə üzv şirkətlərin ixracı ötən ilin eyni dövrü ilə müqayisədə 34,9 % artaraq 191,249 milyon ABŞ dollara yüksəlib.
Ötən ilin analoji dövründə Şərqi Anadolu vilayətindən ən çox məhsul İraqa (50,827 milyon ABŞ dollara) ixrac olunub. Onu İran (15,877 milyon ABŞ dolları) və Azərbaycan (11,144 milyon ABŞ dolları) izləyib.