Bakıda körpə eyvanda anasının qucağından düşərək ölüb, araşdırma aparılır- YENİLƏNİB

Prokurorluq Bakıda körpənin mənzilin eyvanından düşərək ölməsi faktını araşdırır.

Birxeber.Az xəbər verir ki, aprelin 26-da saat 8 radələrində paytaxtın Sabunçu rayonu, Ramana qəsəbəsində yerləşən mənzilin eyvanından 4 aylıq körpə qız uşağının (09.12.2023-cü il təvəllüdlü) anasının qucağından yıxılıb yerə düşərək ölməsi faktı ilə bağlı Sabunçu rayon prokurorluğunda araşdırma aparılır.

***

13.36

Bakının Sabunçu rayonunda bədbəxt hadisə baş verib.

Birxeber.Az xəbər verir ki, hadisə “Ramana sovxozu” adlanan ərazidə qeydə alınıb.

9 mərtəbəli binanın 4-cü mərtəbəsində yerləşən mənzilin pəncərəsindən 4 aylıq körpə Eyvazlı Ayla Tural qızı yerə düşərək ölüb.

Fakt araşdırılır.