Ərdoğan: “Türkiyə yaya qədər İraqla sərhəd təhlükəsizliyini tam təmin edəcək”

Türkiyə yay aylarına qədər İraqla sərhəddə təhlükəsizliyi tam təmin edəcək.

APA xəbər verir ki, bunu Türkiyə Prezidenti Rəcəb Tayyib Ərdoğan Batman şəhərində keçirilən mitinqdə deyib.

“Separatçı təşkilatın torpaqlarımızda mövcudluğuna son qoyulub. Yay aylarına qədər İraqla sərhəd təhlükəsizliyini tam təmin edəcəyik”, - deyə türkiyəli lider vurğulayıb.

Ərdoğan bildirib ki, terror təşkilatlarından istifadə edərək kimsə Türkiyəni manipulyasiya edə bilməyəcək.