Millət vəkili: Əhaliyə çatdırılan su “moyka”larda israf olunur

Dövlət tərəfindən suya böyük investisiya qoyulub. Böyük vəsait hesabına əhaliyə çatdırılan su “moyka”larda israf olunur.

“APA-Economics”in xəbərinə görə, bunu Milli Məclisin Təbii ehtiyatlar, energetika və ekologiya komitəsinin sədri Sadiq Qurbanov "Yaşıl iqtisadiyyata keçidin istehlakçı davranışlarına və istehlak bazarına təsiri: çağırışlar və perspektivlər" adlı forumda deyib.

O bildirib ki, Azərbaycan başqa ölkələrlə müqayisədə suya çox israf edir: “Başqa ölkələrin nümunələrinə baxmalıyıq, bunları araşdırmalıyıq. Fransada həftədə iki dəfədən artıq zibil qutusuna tullantı atdıqda əlavə ödəniş edilir. Bu qanunlar bir daha israfçılığın qarşısını almağa xidmət edir”.