"Fitch" Azərbaycanın iqtisadi artım proqnozunu açıqlayıb

“Fitch Ratings” beynəlxalq reytinq agentliyi 2023-cü ildəki 1,1%-lik iqtisadi artımdan sonra bu il Azərbaycanda artımın 2,8%-ə yüksələcəyini proqnozlaşdırıb.
“Birxeber.Az-Economics” bu barədə reytinq agentliyinə istinadən xəbər verir.

“2023-cü ildə artım nəzərəçarpacaq dərəcədə azalaraq təxminən 1,1%-ə çatdı ki, bu da neft-qaz sektorunda azalmanı və bəzi əsas qeyri-neft sektorlarında, xüsusən də nəqliyyatda pandemiyadan sonrakı artımın yumşalmasını əks etdirir. Biz artımın 2024-cü ildə 2,8%-ə və 2025-ci ildə 2,5%-ə qədər bərpa ediləcəyini gözləyirik, bu da dövlət sərmayəsi ilə dəstəklənəcək, eyni zamanda, yeni neft hasilatı enerji sektorunun azalmanı yavaşlada bilər”- Fitch qeyd edib.

Agentlik bununla belə hesab edir ki, dövlətin böyük həcmdə iştirakçılığı, idarəetmə ilə bağlı çətinliklər, maliyyə resurslarına məhdud çıxış, qeyri-neft sektoruna investisiyaların aşağı olması iqtisadiyyatın şaxələndirilməsi istiqamətində irəliləyişə mane olur.