Simonyanın qardaşının həyat yoldaşı azadlığa buraxılıb - YENİLƏNİB

Ermənistan parlamentinin spikeri Alen Simonyanın qardaşının həyat yoldaşı Ani Gevorqyan azadlığa buraxılıb.

APA xəbər verir ki, bu barədə Ermənistan Baş Prokurorluğu məlumat yayıb. Ani Qevorqyan və işlə saxlanılan Lili Mkryan girov müqabilində zaminə buraxılıblar.

Xatırladaq ki, 1 fevral tarixində Ani Gevorqyan saxlanılıb və onun saxlanılmasına səbəb kimi onun İqtisadiyyat Nazirliyinin elan etdiyi tenderlərdən birində “Synergy” şirkətinin əməkdaşı kimi iştirak etməsi göstərilib, işlə bağlı 7 nəfər saxlanılıb.

***

11:30

Ermənistan parlamentinin spikeri Alen Simonyanın qardaşının həyat yoldaşı Ani Gevorqyan azadlığa buraxılacaq.

APA xəbər verir ki, bu barədə yerli “Joğovurd“ nəşri yazıb.

Nəşrin sözlərinə görə, İqtisadiyyat Nazirliyində sui-istifadə hallarına görə 2 aylıq həbs edilən Ani Gevorqyan azadlığa buraxılacaq.

Hazırda hakim “Vətəndaş müqaviləsi” partiyasının deputatlarının zaminliyi əsasında Ani Gevorqyanın azadlığa buraxılması ilə bağlı siyasi qərar mövcuddur.

Həmçinin əlavə olunub ki, partiyanın digər üzvləri arasında adı çəkilən iş üzrə həbs olunan digər 6 nəfərlə bağlı hələlik qərar yoxdur.

Xatırladaq ki, 1 fevral tarixində Ani Gevorqyan saxlanılıb və onun saxlanılmasına səbəb kimi onun İqtisadiyyat Nazirliyinin elan etdiyi tenderlərdən birində “Synergy” şirkətinin əməkdaşı kimi iştirak etməsi göstərilib. Bunun ardınca isə elə həmin gün Gevorqyan 2 ay müddətinə həbs edilib.