NATO müdafiə nazirləri gələn həftə Brüsseldə toplanır, əsas mövzu Ukraynaya dəstəkdir

NATO müdafiə nazirlərinin Brüsseldə keçiriləcək iclasının dəqiq tarixi və gündəliyi açıqlanıb.

“Birxeber.Az” Alyansın saytına istinadən xəbər verir ki, toplantı iki gün - fevralın 14-15-də keçiriləcək.

İclasın açılış mərasimində ABŞ-nin müdafiə naziri (Pentaqon rəhbəri) Lloyd Ostin çıxış edəcək.

Toplantının ilk günündə Ukrayna Müdafiə Əlaqə Qrupunun iclası təşkil olunacaq.

Növbəti gün NATO-nun Baş katibi Yens Stoltenberq bəyanatla çıxış edəcək.

Həmçinin Alyansın və NATO-Ukrayna Şurasının iclası keçiriləcək.

Ardınca Y.Stoltenberq mətbuat konfransında danışacaq, jurnalistlərin suallarını cavablandıracaq.