ABŞ Azərbaycanda əqli mülkiyyət hüquqlarının qorunmasına kömək etməyə çalışır

ABŞ Azərbaycanın özəl sektorunun əqli mülkiyyət hüquqlarının daha yaxşı qorunmasına və tətbiq olunmasına kömək etməyə çalışır.

“Report” xəbər verir ki, bu barədə ABŞ-nin Azərbaycandakı səfirliyinin “X” sosial şəbəkəsində dərc olunan məlumatında qeyd edilib.

“Kommersiya hüququnun inkişafı proqramı” (CLDP) və Azərbaycandakı Amerika Ticarət Palatasının (AmCham Azərbaycan) təşkilatçılığı ilə əqli mülkiyyət sahəsində qabaqcıl təcrübələrə həsr olunmuş konfransı ABŞ-nin missiya rəhbərinin müavini Hüqo Gevara açıb. Nümayəndəlik rəhbərinin müavini çıxışında ABŞ-nin Azərbaycanın özəl sektorunun və bu ölkədə iş aparan beynəlxalq şirkətlərin əqli mülkiyyət hüquqlarının daha yaxşı müdafiəsi və həyata keçirilməsinin təşviqinə sadiq olduğunu vurğulayıb”, - məlumatda bildirilib.

Müvəqqəti işlər vəkili Huqo Qevara ABŞ Ticarət Departamentinin Kommersiya Hüququnun İnkişafı Proqramı və @AmChamAz tərəfindən təşkil edilən "Əqli mülkiyyətin ən yaxşı praktikaları" konfransının açılışını edib. Qevara öz çıxışında ABŞ-nin Azərbaycanın özəl sektorunun habelə… pic.twitter.com/XfKp2LafnN

— U.S. Embassy Baku (@USEmbassyBaku) January 31, 2024