İsrail silahlı qüvvələri Livandakı Hizbullah hərbi obyektlərinə zərbələr endirib

Livanın cənubunda şiə Hizbullah hərəkatının hərbi obyektlərinə zərbələr endirilib.

Birxeber.Az xəbər verir ki, bu barədə İsrail Müdafiə Qüvvələri bildirib.

“Gecə ərzində qırıcı təyyarələr Livandakı bir sıra Hizbullah terrorçu hədəflərinə, o cümlədən Odise bölgəsindəki müşahidə məntəqəsinə və Xiam bölgəsindəki iki hərbi obyektə hücum edib”, - bəyanatda deyilir.

Hərbçilər həmçinin "Tayr Harf bölgəsindəki Hizbullah hərbi strukturunun daxilində fəaliyyət göstərən terrorçunun müəyyən edildiyini" bildiriblər. “Döyüşçülər binanı vuraraq dağıdıblar”, - mətbuat xidməti qeyd edib.