Sabirabadda 122 yaşlı hamam məhv olmaq üzrədir

Sabirabadda 122 yaşlı hamam məhv olmaq üzrədir

Sabirabad rayonunda 122 yaşlı tarixi hamam məhv olmaq təhlükəsi ilə üz-üzədir.

"Birxeber"un Muğan bürosunun məlumatına görə, hamam Sabirabad şəhəri Məhəmməd Füzuli küçəsində yerləşir.

Tarixi hamam 1900-cu ildə Seyyid Mirmusa Tağıyev tərəfindən inşa olunub.

Əvvəllər hamamı işlədən rayon sakini, Ağa Tağıyevin sözlərinə görə, hamam çox baxımsız haldadır və aidiyyəti qurumlar tərəfindən laqeyd münasibət göstərilir:

"Hamam 1900-cu ildə babam tərəfindən bərpa olunub. Atam 55 il bu hamamı işlədib. 1994-cü ildə vəfat edib. Həmin ildən 2005-ci ilə qədər mən işlətmişəm. Camaat gəlib gedib istirahət edib, hamam kimi, təmizlik kimi. İndi hamam çox pis vəziyyətdədir, bərbad vəziyyətdədir. Təmirə ehtiyacı var".

Rayon sakinləri də dövlət qeydiyyatına alınmış bir əsrdən çox yaşı olan tarixi əhəmiyyətli abidənin yenidən bərpa olunmasını istəyirlər:

"Bu tarixi memarlıq abidəsi uzun illər burada fəaliyyət göstərərək Sabirabad sakinlərinə xidmət göstərib. Önəmli bir tarixi abidədir. Rayona gələn turistləri və digər qonaqları bu tarixi abidə ilə tanış edib onlara məlumat vermək olar. Xahiş edirik, köməklik göstərilsin. Azərbaycanın bütün tarixi abidələri qorunmalıdır. Həmçinin Sabirabad rayonunun mərkəzində olan bu tarixi hamamda".

Tarixi hamam Azərbaycan Respublikası Nazirlər Kabinetinin 2001-ci il 2 avqust tarixli 132 nömrəli qərarı ilə yerli əhəmiyyətli daşınmaz tarix və mədəniyyət abidələrinin siyahısına daxil edilmişdir (inventar nömrəsi 4951).

Mədəniyyət Nazirliyi yanında Mədəni İrsin Qorunması, İnkişafı və Bərpası üzrə Dövlət Xidməti "Birxeber"un Muğan bürosunun sorğusuna cavab olaraq bildirib ki, abidə dövlət büdcəsində dövlət əsaslı vəsait qoyuluşu hesabına bərpası nəzərdə tutulan layihələrin siyahısına daxil edilib.

TURİZM TURİZM
Azərbaycana turist axını 2 dəfədən çox artıb

Azərbaycana turist axını 2 dəfədən çox artıb

TURİZM TURİZM
Şamaxı 2023-cü il üçün türk dövlətlərinin turizm paytaxtı seçilib

Şamaxı 2023-cü il üçün türk dövlətlərinin turizm paytaxtı seçilib

TURİZM TURİZM
Sabirabadda 122 yaşlı hamam məhv olmaq üzrədir

Sabirabadda 122 yaşlı hamam məhv olmaq üzrədir

TURİZM TURİZM
Azərbaycan Qazaxıstanın aeroportlarını marketinq tərəfdaşına çevirə bilər

Azərbaycan Qazaxıstanın aeroportlarını marketinq tərəfdaşına çevirə bilər

TURİZM TURİZM
Suqovuşanın turizm potensialının geniş olması hansı imkanlar yaradacaq?

Suqovuşanın turizm potensialının geniş olması hansı imkanlar yaradacaq?