Rəşad İsmayılov: "Xəzərdə süni torpaqlar yaradılarkən dənizin mühafizə zolağına müdaxilə ola bilər"

Xəzərdə süni torpaqlar yaradılarkən dənizin 20-50 metrlik mühafizə zolağına müdaxilə olunacağı istisna edilmir.

“Birxeber.Az” xəbər verir ki, bunu Dövlət Şəhərsalma və Arxitektura Komitəsi aparatının rəhbəri Rəşad İsmayılov Milli Məclisin İqtisadi siyasət, sənaye və sahibkarlıq komitəsinin iclasında - sözügedən sənədin müzakirəsi zamanı bildirib.

"Sahilə yaxın süni torpaq sahələri yaradılarkən mümkün deyil ki, sahil zolağına müdaxilə etməyəsən. Dəniz sahilinə yaxın və yaxud bitişik ərazilərdə tikintiyə Nazirlər Kabineti icazə verəcək. Nardaran sahilində süni torpaq sahələrinin yaradılması ilə bağlı planlar var. Bu layihələr Azərbaycanın iqtisadi inkişafı ilə yanaşı, onun tanıtımına da böyük təsir edəcək və ölkəmizin yeni simasını təqdim edəcək", - deyə o qeyd edib.