İran səfiri Niderland XİN-ə çağırılıb

Niderlandın xarici işlər naziri vəzifəsini müvəqqəti icra edən Hanke Brüinse Slot İranın Haaqadakı səfiri Hadi Fərəcvəndi Xarici İşlər Nazirliyinə çağırmaq qərarına gəlib.

“Report” xəbər verir ki, bu barədə avropalı diplomat sosial şəbəkədə yazıb.

“Dünən gecə İranın İsrailə təhlükəli hücumunu pislədiyimizi bildirmək üçün İranın Haaqadakı səfirini çağırmaq qərarına gəldim”, – o qeyd edib.