Maqnus Karlsen: “Klassik şahmatdan bezmişəm”

“Son bir neçə həftədə klassik şahmatdan bezmişəm”.

“Birxeber.Az” xəbər verir ki, bunu norveçli dünya çempionu Maqnus Karlsen deyib.

Niderlandın Veyk-an-Ze şəhərindəki “Tata Steel Masters” superturnirində özbəkistanlı Nodirbek Abdusattorovla 2-3-cü yerləri bölüşdürən 32 yaşlı qrossmeyster klassik şahmata fasilə vermək qərarına gəldiyini açıqlayıb: “Bu turnirdən sonra fasilə verəcəyəm. Bir müddət klassik şahmat oynamayacağam”.

Qeyd edək ki, Maqnus Karlsen 2013-cü ildən klassik şahmat üzrə dünya çempionudur. O, həmin vaxtdan bəri dörd dəfə titulunu qoruyub.