İtaliya klubu baş məşqçisi ilə yeni müqavilə imzalamağa hazırlaşır

İtaliyanın "İnter" klubu baş məşqçi Simone İnzaqi ilə yeni müqavilə imzalamağa hazırlaşır.

"Report" "Gazzetta dello Sport"a istinadən xəbər verir ki, yeni müqavilə 2027-ci ilin yayına qədər nəzərdə tutulub.

47 yaşlı mütəxəssisin komanda ilə hazırkı müqaviləsinin müddəti 2025-ci ilin yayında başa çatır. Rəhbərlik İnzaqinin işindən razıdır və onu mümkün qədər uzun müddət komandada saxlamaq istəyir.

Qeyd edək ki, "İnter" İtaliya A seriyasında 76 xalla liderdir.