Burkina-Fasoda 28 kişinin meyiti tapılıb

Burkina-Fasonun şimal-qərbindəki Nuna şəhərində açılan atəş nəticəsində həlak olan 28 kişinin meyiti tapılıb.

“Birxeber.Az” “Reuters” xəbər verir ki, bu barədə yerli prokurorluq məlumat verib.

Meyitlər dekabrın 30 və 31-də tapılıb. Prokurorluqdan verilən məlumata görə, qətllə bağlı istintaq başlayıb. Baş verənlərin təfərrüatları açıqlanmayıb.

Agentliyin məlumatına görə, bazar ertəsi Burkina-Faso Vətəndaş Cəmiyyəti Təşkilatı kişilərin qətliamında hökumət tərəfindən maliyyələşdirilən Vətənin Müdafiəsi Könüllülərinin üzvlərini günahlandırıb.