Elnur Əliyev: “Yaşıl inkişaf"ın prioriteti Azərbaycanın COP-a ev sahibliyi etməyə hazır olduğunun nümayişidir

Azərbaycanın bərpa olunan enerji mənbələri sahəsində həyata keçirdiyi layihələr öz müsbət nəticələrini nümayiş etdirib.

“Birxeber.Az” xəbər verir ki, bunu Azərbaycanın iqtisadiyyat nazirinin birinci müavini Elnur Əliyev XI Qlobal Bakı Forumunun panel müzakirəsində deyib.

Onun sözlərinə görə, birincisi ötən il 230 meqavat gücündə günəş elektrik stansiyası olub: “Məqsədimiz “Masdar” və digərləri kimi aparıcı qlobal şirkətlərlə əməkdaşlıq vasitəsilə 2030-cu ilə qədər 5 giqavata qədər günəş və digər təmiz enerji istehsal etməkdir. Gələcəkdə biz təmiz enerjinin əsas ixracatçısına çevrilmək üçün həm quruda, həm də Xəzər dənizində potensial bərpa olunan enerji mənbələrindən istifadə etməyi hədəfləyirik”.

E.Əliyev bildirib ki, təmiz ətraf mühit və "yaşıl inkişaf" Azərbaycanın milli inkişaf strategiyasının əsas prioritetlərindən biridir.