"Qalatasaray" legionerinin yığmanın düşərgəsinə getməsinə icazə verməyib

Türkiyənin "Qalatasaray" klubu futbolçusu Davinson Sançesi Kolumbiya yığmasının düşərgəsinə buraxmayıb.

"Birxeber.Az" yerli mətbuata istinadən xəbər verir ki, İstanbul təmsilçisi 27 yaşlı müdafiəçinin zədəli olduğunu bildirib.

"Sarı-qırmızılar" oyunçunun durumu ilə bağlı Kolumbiya Futbol Federasiyasını məlumatlandırıb və onun ən azı iki həftə yaşıl meydanlardan kənarda qalacağı vurğulanıb.

Qeyd edək ki, Kolumbiya yığması martın 22-də İspaniya, 26-da isə Rumıniya ilə yoldaşlıq görüşləri keçirəcək. Sançes cari mövsüm "Qalatasaray" forması ilə 27 matçda 3 qol və 2 məhsuldar ötürmə ilə yadda qalıb.