İqtisadi Əməkdaşlıq və İnkişaf Təşkilatı (OECD) ölkələrində neftin və neft məhsullarının kommersiya ehtiyatları ötən ilin dekabrda noyabr ayı ilə müqayisədə 22,6 mln. barel azalaraq 2 767 mln. barelə enib.
"Birxeber.Az-Economics"in Neft İxrac Edən Ölkələr Təşkilatının (OPEC) aylıq hesabatına istinadən verdiyi məlumata görə, OECD ölkələrində neftin kommersiya ehtiyatları dekabr ayının yekunlarına görə 2 767 mln. barel təşkil edib, bu da öncəki göstəricidən 22,6 mln. barel azdır. Bununla yanaşı, qeyd olunan göstərici son beşillik ortalama göstəricidən 80 mln. barel, 2015-2019-cu illərin ortalama səviyyəsindən isə 159 mln. barel aşağıdır.
Qeyd edək ki, qlobal neft və neft məhsullarının kommersiya ehtiyatlarının orta beşillik (2015-2019-cu illər) səviyyəyə çatdırılması əvvəlcədən "OPEC+" (OPEC və təşkilata daxil olmayan ölkələri əhatə edən neft istehsalının azaltması üzrə təşəbbüs) razılaşmasının məqsədi kimi müəyyən edilib.