Gəncədə fərdi yaşayış evində yanğın olub
Gəncədə yanğın hadisəsi baş verib.
APA-nın yerli bürosunun məlumatına görə, hadisə şəhərin Ordubadi küçəsində qeydə alınıb.
Belə ki, sözügedən küçədə yerləşən həyat evlərinin birində anidən yanğın olub. Hadisə yerinə FHN-in yanğınsöndürən maşınları və canlı qüvvəsi cəlb olunub.
Yanğın söndürülüb, evin qalan hissəsi yanğından mühafizə edilib.
Hadisənin baş vermə səbəbləri araşdırılır.