Aİ Ukrayna üçün razılaşdırdığı yardımdan ödənişləri martda həyata keçirməyə başlayacaq
https://birxeber.az//uploads/photo/a-ukrayna-n-razladrd-yardmdan-dnilri-martda-hyata-keirmy-balayacaq.webp
Avropa İttifaqı Ukrayna üçün razılaşdırdığı 50 milyard avroluq maliyyə yardımdan mart ayından etibarən Kiyevə ödənişlər etməyə başlayacaq.
APA xəbər verir ki, bu barədə Avropa Komissiyasının Prezidenti Ursula von der Leyen "X" hesabında bildirib.
Avropa İttifaqı Şurası və Avropa Parlamenti tərəfindən Ukrayna Mexanizmi ilə bağlı 50 milyard avroluq büdcə barədə siyasi razılığın əldə edilməsini "irəliyə doğru böyük bir addım" kimi xarakterizə edən Ursula von der Leyen Avropanın öz sözünün üzərində durduğunu deyib.
O bildirib ki, Aİ Ukraynaya çox ehtiyac duyulan maliyyə dəstəyini verməyə davam edəcək.
"Mart ayında ödənişlərə başlamaq niyyətindəyik", - Avropa Komissiyasının Prezidenti qeyd edib.
