Sabiq spiker: Qırğızıstan ərazi bütövlüyünün bərpası ilə bağlı Azərbaycanın sevincini bölüşür
Qırğızıstan Azərbaycanın ərazi bütövlüyünün bərpa etməsi ilə bağlı ölkənin sevincinə şərikdir.
“Report” xəbər verir ki, bunu Qırğızıstan parlamentinin eks-spikeri Medetkan Şerimkulov Bakıda "Azərbaycan-Qırğızıstan ikitərəfli münasibətləri müasir mərhələdə: strateji tərəfdaşlığın genişləndirilməsi" mövzusunda keçirilən dəyirmi masada bildirib.
Onun sözlərinə görə, Qırğızıstan Prezidenti Sadır Japarovun səfəri Azərbaycan üçün çox əlamətdar günlərə təsadüf edib: "Biz Azərbaycanın ərazi bütövlüyünün bərpası ilə bağlı ölkə xalqının sevincinə şərikik”.
M.Şerimkulov vurğulayıb ki, Azərbaycan-Qırğızıstan ikitərəfli münasibətlərinin dərin kökləri var: “Bir çox sahələrdə, o cümlədən iqtisadi, sosial və siyasi sahələrdə ikitərəfli əməkdaşlığın inkişafı üçün böyük potensial var”.