Azərbaycan və Meksika iş adamları arasında əməkdaşlığın inkişafı müzakirə edilib

Azərbaycan və Meksikanın iş adamları arasında əməkdaşlığın və ikitərəfli ticarət əlaqələrinin inkişafına dair müzakirələr aparılıb.

Bu barədə "Report"a İqtisadiyyat Nazirliyi yanında Kiçik və Orta Biznesin İnkişafı Agentliyindən (KOBİA) bildirilib.

Məlumata görə, Meksika Birləşmiş Ştatlarının ölkəmizdəki fövqəladə və səlahiyyətli səfiri Mariya Viktoriya Romero Kabalyero Kiçik və Orta Biznesin İnkişafı Agentliyində olub. Səfir və KOBİA-nın İdarə Heyətinin sədri Orxan Məmmədov arasında keçirilmiş görüşdə hər iki ölkənin iş adamları arasında əməkdaşlığın və ikitərəfli ticarət əlaqələrinin inkişafına dair birgə təşəbbüslərə, eləcə də KOB-ların dəstəklənməsi sahəsində təcrübə mübadiləsinə dair müzakirələr aparılıb.