Ceyhun Bayramov Çexiyada bir sıra şəxslərlə fikir mübadiləsi aparıb

Azərbaycanın Xarici İşlər naziri Ceyhun Bayramovun Çexiyaya rəsmi səfəri çərçivəsində bu ölkənin milli təhlükəsizlik müşaviri Tomas Pocarın moderatorluğu ilə keçirilən dəyirmi masa görüşündə Türkiyənin Çexiyadakı keçmiş səfiri Egemen Bağış və səfirliyin birinci müşaviri Banu Malaman, Azərbaycanın Praqadakı səfiri Adış Məmmədov və digər qonaqlarla fikir mübadiləsi aparılıb.

Bu barədə “Birxeber.Az”a Türkiyənin Çexiyadakı səfirliyindən məlumat verilib.

E.Bağış C.Bayramova Türkiyənin xarici işlər naziri Hakan Fidanın salamlarını çatdırıb. O, görüşdə söz alaraq, “bir millət, iki dövlət” siyasəti çərçivəsində Azərbaycanı Qarabağ zəfəri münasibətilə bir daha təbrik edib və Türkiyənin Azərbaycana dəstəyini vurğulayıb.