Lavrov ABŞ-nin Rusiyanın kosmosda nüvə silahı ilə bağlı bəyanatlarını absurd adlandırıb

Rusiya xarici işlər naziri Sergey Lavrov ABŞ-nin Rusiyanın kosmosda nüvə silahı ilə bağlı bəyanatlarını absurd adlandırıb.

Birxeber.Az-nın Moskva müxbiri xəbər verir ki, Lavrov belə uydurmaların reallıqla heç bir əlaqəsinin olmadığını söyləyib.

O əlavə edib ki, Rusiya kosmosun sırf dinc fəaliyyətlər üçün məkan kimi qorunmasının tərəfdarıdır.

Qeyd edək ki, Rusiya XİN başçısının müavini Sergey Ryabkov beynəlxalq məkanlarda Rusiya və ABŞ nümayəndə heyətlərinin kosmosda silah məsələsi ilə bağlı təmasda olduğunu açıqlayıb. Diplomat vurğulayıb ki, Rusiya kosmosla bağlı beynəlxalq öhdəliklərinə tam sadiqdir.