Azərbaycan diri heyvan ixracını 30% artırıb

Cari ilin yanvar-mart aylarında Azərbaycan 209.26 min ABŞ dolları dəyərində diri heyvan ixrac edib. Ötən ilin müvafiq dövrü ilə müqayisədə cari ilin yanvar-mart aylarında diri heyvan ixracında 29.9 % artım qeydə alınıb.

“Birxeber.Az-Economics”in Dövlət Gömrük Komitəsinin (DGK) istinadən xəbərinə görə, rüb ərzində Azərbaycana 12 906.25 min ABŞ dolları dəyərində diri heyvan idxal edilib. Bununla da diri heyvan idxalı ümumi idxalın 0.35 %-i təşkil edib. Ötən ilin müvafiq dövrü ilə müqayisədə cari ilin yanvar-mart aylarında diri heyvan idxalında 13.5 % azalma qeydə alınıb.