Qaxda yığılan yardımla dolu ilk "TIR" Türkiyəyə yola düşüb

Türkiyədə baş verən güclü zəlzələdən zərərçəkənlərə yardım toplamaq üçün Qaxda bir neçə ünvan ayrılıb.

"Birxeber.Az"un Şimal-qərb bürosunun məlumatına görə, yardım əsasən Qax Olimpiya Kompleksində toplanır.

Yardım kampaniyasına dəstək olmaq istəyən şəxslər qış paltarları, o cümlədən gödəkçə, şalvar, əlcək, corablar və s. əşyaları Qax Olimpiya Kompleksinə gətirərək təhvil veriblər. Eyni zamanda, çadır, yorğan, döşək, fənər, generator, poverbank, təmizlik alətləri kimi yararlı əşyalar da toplanılır.

Qaxda yığılan yardımla dolu ilk "TIR" bu gün səhər saatlarında Türkiyəyə yola düşüb.