Finlandiya Ukraynaya uzunmüddətli hərbi və maliyyə yardımı göstərəcək

Ukrayna və Finlandiya təhlükəsizlik sahəsində əməkdaşlıq və uzunmüddətli dəstək haqqında saziş imzalayıb.

“Report” xəbər verir ki, bu barədə UNIAN məlumat yayıb.

Bildirilib ki, Finlandiya Ukraynaya uzunmüddətli hərbi və maliyyə yardımı göstərəcək, həmçinin siyasi, maliyyə, humanitar və islahatlar sahələrində Kiyevlə əməkdaşlığı dərinləşdirəcək.

Finlandiya Ukraynaya enerji sektorunu bərpa etməyə, sərhəd və mühüm infrastrukturun mühafizəsini gücləndirməyə və Ukrayna hərbçilərinin müalicəsinə kömək edəcək.