Göygöldə mənzildə meyiti tapılan şəxsin kimliyi məlum olub - YENİLƏNİB

Göygöl rayonunda mənzildə meyiti tapılan şəxsin kimliyi məlum olub.

"Report"un Qərb bürosunun məlumatına görə, hadisə şəhərin Rövşən Nəsibov adlanan məhəlləsində qeydə alınıb.

Belə ki, orada yerləşən mənzillərin birində aşkarlanan meyitin 1996-cı il təvəllüdlü T.Orucova aid olduğu məlum olub.

Onun dəm qazından boğularaq öldüyü bildirilib.

Faktla bağlı Göygöl Rayon Prokurorluğunda araşdırma aparılır.

Göygöldə mənzildə meyit tapılıb.

Bu barədə "Report"a Fövqəladə Hallar Nnazirliyindən məlumat verilib.

Bildirilib ki, nazirliyin "112" qaynar telefon xəttinə daxil olan məlumata əsasən, Göygöl şəhərində 1 nəfər mənzildə bağlı qapı arxasında köməksiz vəziyyətdə qalıb. Çağırış ünvanına cəlb olunan FHN-nin Gəncə Regional Mərkəzinin xilasetmə qüvvələri mənzilin giriş qapısını açıb və orada aşkarlanan 1 nəfərin meyitini aidiyyəti üzrə təhvil veriblər.