İrakli Kobaxidze Azərbaycan Prezidentini Gürcüstana səfərə dəvət edib

Gürcüstan Respublikasının Baş naziri İrakli Kobaxidze Azərbaycan Respublikasının Prezidenti İlham Əliyevi ölkəsinə səfərə dəvət edib.

Birxeber.Az-nın xəbərinə görə, bunu Azərbaycanda rəsmi səfərdə olan İrakli Kobaxidze Prezident İlham Əliyevlə görüşdən sonra mətbuata bəyanatında bildirib.

“İnanıram ki, Prezident İlham Əliyev tezliklə Gürcüstana səfər edəcək. Bu səfər əməkdaşlığımızın daha da dərinləşdirilməsinə xidmət edəcək. Biz bundan sonra da bu dostluğu və tərəfdaşlığı dərinləşdirmək üçün əlimizdən gələni edəcəyik” , – deyə Gürcüstanın Baş naziri deyib.