Klopp məşqçilik karyerasında ilk dəfə müdafiə olunmamasına icazə verdiyi futbolçunun adını açıqlayıb

“Liverpul”un baş məşqçisi Yürgen Klopp Avropa Liqasının 1/8 final mərhələsinin “Sparta Praqa” ilə cavab oyununda (6:1) “mersisaydlılar”ın vingeri Məhəmməd Salaha müdafiədə işləməməsinə necə icazə verib.

“Report” xəbər verir ki, bu barədə almaniyalı çalışdırıcı oyunsonrası mətbuat konfransında deyib.

“Bu oyunda ilk dəfə futbolçunun müdafiə olunmamasına icazə verdim. Salahın mümkün qədər çox qol vurmasını istəyirdim. Məhəmməd çox təcrübəli oyunçudur. O, “Sparta”ya daha bir qol vura bilərdi, lakin Qakpo ofsaydda idi”, – “qırmızılar”ın baş məşqçisi vurğulayıb.

Qeyd edək ki, “Sparta Praqa” ilə oyunda Salah bir qol vurub və üç məhsuldar ötürmə edib.

Bu mövsüm misirli vinger “Liverpul”un heyətində bütün turnirlərdə 31 oyun keçirib, 20 qol vurub, 13 məhsuldar ötürmə edib.