Peskov: Rusiyaya sərhədçilərinin İrəvan aeroportundan çıxarılması üçün müraciət olunmayıb

Rusiya sərhədçilərini İrəvan aeroportundan çıxarmaqla bağlı müraciət olunmayıb.

Birxeber.Az xəbər verir ki, bu barədə Kremlin rəsmi nümayəndəsi Dmitriy Peskov jurnalistlərə bildirib.

Peskov bildirib ki, Ermənistan tərəfdən Rusiya sərhədçilərinin İrəvanın “Zvartnots” aeroportundan çıxarılması ilə bağlı qərar verilməyib və bu barədə Rusiya məlumatlandırılmayıb.

Xatırladaq ki, ötən ayın 27-si Ermənistan parlamentinin spikeri Alen Simonyan bəyan edib ki, Rusiya sərhədçiləri “Zvartnots” hava limanında xidmətini dayandırmalıdır.

Simonyan rusiyalı sərhədçilərə güvənmədiyini deyib:

“Çünki biz ölkəmizin sərhədlərini qoruyacağıq, lakin onların qoruyacağına əmin deyiləm”.