Siyavuş Novruzov: Bakı və ətraf qəsəbələrdə xeyli sayda sənədsiz evlər var

Bakı və ətraf qəsəbələrdə xeyli sayda sənədsiz evlər var.

“Report” xəbər verir ki, bu fikirləri Milli Məclisin Regional məsələlər komitəsinin sədri Siyavuş Novruzov komitənin martın 1-də keçirilən iclasında deyib.

Qeydiyyatsız evlərlə bağlı məsələyə toxunan komitə sədri bildirib ki, Seçki Məcəlləsində qeyd olunub ki, həm vətəndaşlığı olmayan, həm də 6 ay bir ərazidə yaşayan şəxslər səsvermə hüququna malikdir:

"Qeydiyyat məsələsi hər yerdə qaldırılıb. Bilirsiniz ki, Bakı və ətraf qəsəbələrdə xeyli sayda sənədsiz evlər var. Qəsəbələrdə 3 000-dən artıq yaşayış massivi mövcuddur ki, orada vahid bələdiyyələr formalaşacaq. Gələcəkdə də onların sayı artdıqca bələdiyyə üzvlərinin sayında artım ola bilər. Mənzillərin çoxluğu və ya azlığı məsələni həll etmir. Çünki Bakıda 40-dan artıq qəsəbə var və qəsəbələrin də hərəsində 40 mindən artıq insan yaşayır. Orada da vahid bələdiyyələr formalaşacaq”.