Bakının Xətai rayonunda maşın yanaraq yararsız vəziyyətə düşüb.
Birxeber.Az xəbər verir ki, hadisə Babək prospektində qeydə alınıb.
Dövlət qeydiyyat nişanı 77 - YX - 350 olan 'Mercedes' markalı nəqliyyat vasitəsinin sürücüsü hərəkətdə olarkən mühərrik hissədə qəfil alışma olub.
Əraziyə FHN-in yanğınsöndürmə briqadası cəlb edilib. Maşında olan alovun qarşısı alınıb. Buna baxmayaraq, avtomobilin salon hissəsi tamamilə yanaraq yararsız vəziyyətə düşüb.
Hazırda yanğının dəqiq başvermə səbəbləri araşdırılır.