Kollektiv Təhlükəsizlik Müqaviləsi Təşkilatı (KTMT) Tacikistanın cənub sərhədində İŞİD döyüşçülərinin sayının artdığını bildirib.
APA xəbər verir ki, bunu KTMT-nin Birləşmiş Qərargah rəisi general-polkovnik Andrey Serdyukov brifinq zamanı bildirib.
Serdyukov qeyd edib ki, İŞİD, “Əl-Qaidə” və digər beynəlxalq terrorçu, ekstremist təşkilatlar Mərkəzi Asiya regionunda sabitliyə əsas təhlükə mənbəyidir.
Həmçinin əlavə olunub ki, Tacikistanın cənub sərhədi yaxınlığında İŞİD-in Əfqanıstan qolu – “Vilayət Xorasan” və Taliban hərəkatının Pakistan qolunun silahlılarının sayının artması müşahidə olunur.