Qırmızı dənizdə gərginliyin artması Misir büdcəsinin əsas gəlir mənbələrindən hesab olunan Süveyş kanalında böhrana səbəb olub.
APA xəbər verir ki, kanal administrasiyası yanvarda gəlirlərin kəskin şəkildə azaldığını açıqlayıb. 2023-cü ilin yanvarında Süveyş kanalından əldə olunan gəlirlər 804 milyon dollar təşkil etdiyi halda, bu ilin ilk ayında bu rəqəm 428 milyon dollara enib.
Ötən ay kanaldan 1362 gəmi keçib. 2023-cü ilin analoji dövrü ilə müqayisədə bu, 36% aşağıdır.
Qırmızı dənizdə mövcud vəziyyətlə əlaqədar 20-yə yaxın gəmiçilik şirkəti Süveyş kanalından istifadə etməkdən imtina edib.