İqtisadiyyat Nazirliyi yanında Əmlak Məsələləri Dövlət Xidməti "Azərbaycan Beynəlxalq Bankı" ASC-nin sərəncamındakı daşınmaz əmlakların satışı üzrə hərrac keçirib.
Bu barədə "Birxeber.Az"a Dövlət Xidmətindən bildirilib.
Məlumata görə, hərraca Banka məxsus bir qeyri-yaşayış binası və 7,2 sot torpaq sahəsi çıxarılıb. Gəncə şəhəri, Nizami rayonu, Gülüstan qəsəbəsi, 29 A ünvanında yerləşən qeyri-yaşayış binası 27 445 manata özəlləşdirilib. Şəki şəhəri, Mirzə Fətəli Axundov prospektində yerləşən torpaq sahəsi isə başlanğıc qiyməti 46 500 manat olsa da, 91 000 manata satılıb.