ABŞ-nin Suriyanın şərqində yerləşən Deyr əz-Zor əyalətindəki “Koniko” qaz yatağındakı bazası raket atəşinə tutulub.
Bu barədə “Report” xarici KİV-ə istinadən xəbər verir.
“Deyr əz-Zorda “Koniko” qaz yatağındakı Amerika bazası dörd raketlə vurulub və yanğın başlayıb”, - mənbə bildirib.
Hücum zamanı insan tələfatının olub-olmadığı açıqlanmır.
Qeyd edək ki, bundan əvvəl ABŞ Prezidenti Cozef Baydenin göstərişi ilə İraq və Suriyadakı hədəflərə hücumlar həyata keçirilib.