"Səbail” klubu daha bir futbolçunun keçidini rəsmiləşdirib.
Paytaxt təmsilçisinin mətbuat xidmətindən "Report"a verilən məlumata görə, Niderlandın 2-ci liqa təmsilçisi “Venlo”da çıxış etmiş Süleyman Alluş heyətə cəlb olunub.
Mərakeş əsilli cinah yarımmüdafiəçisi ilə 2,5 illik müqavilə imzalanıb. 22 yaşlı futbolçu Niderlandın U-17 millisi ilə Avropa çempionatının qalibi olub.