Beynəlxalq Futbol Tarixi və Statistikaları Federasiyası (IFFHS) dünyanın ən yaxşı yüksək liqalarını açıqlayıb.
"Report" IFFHS-nin rəsmi saytına istinadən xəbər verir ki, "100-lük"də Azərbaycan Premyer Liqası da yer alıb.
Ölkə çemponatı 2023-cü ilin yekunlarına əsasən, 429,75 xalla 40-cı olub. Yüksək dəstə 2022-ci illə müqayisədə bir pillə irəliləyib.
Qeyd edək ki, İtaliya A Seriyası 1619,5 xalla siyahıya başçılıq edir. İngiltərə Premyer Liqası 1567 xalla ikinci, İspaniya La Liqası 1447 xalla üçüncü sıradadır.