Birxeber.az / Əli Məsimli: "Mikro sahibkarlar üçün gəlir vergisinin artırılması cəmiyyətdə narazılıq yaradıb"

Əli Məsimli: "Mikro sahibkarlar üçün gəlir vergisinin artırılması cəmiyyətdə narazılıq yaradıb"

1-02-2024, 12:40

Vergi Məcəlləsində mikro sahibkarlar üçün nəzərdə tutulmuş 5 %-lik gəlir vergisinin 20 %-ə qaldırılması cəmiyyətdə narazılıq yaradıb.

"Report" xəbər verir ki, bunu Milli Məclisin bu gün keçirilən plenar iclasında deputat Əli Məsimli bildirib.

"Təklif edirəm ki, monitorinq aparılsın və həmin dəyişikliyə yenidən baxılsın, mikro sahibkarlara 75 %-lik güzəştin verilməsi bərpa edilsin. Çünki məhz mikro və kiçik sahibkarlığın dairəsinin genişləndirilməsi, Azərbaycanda onun özünə layiq səviyyədə yer tutması ümumi iqtisadi keyfiyyətin artırılmasında mühüm rol oynayacaq", -deyə deputat əlavə edib.

Geri qayıt