Birxeber.az / İrandan Ermənistana narkotik daşıyan dəstə tutulub

İrandan Ermənistana narkotik daşıyan dəstə tutulub

30-01-2024, 11:50

İrandan Ermənistana qaçaqmalçılıq yolu ilə narkotik vasitələrin gətirilməsi cəhdinin qarşısı alınıb.

APA xəbər verir ki, bu barədə Ermənistan Təhlükəsizlik Xidməti məlumat yayıb.

“Ermənistan və İranın hüquq-mühafizə orqanlarının əməkdaşları yanvarın 25-də Meqriyə qaçaqmalçılıq yolu ilə külli miqdarda narkotik vasitələrin gətirildiyini və İrəvanda daşınmalı olduğunu müəyyən ediblər. Narkotiki qəbul edən şəxslər saxlanılıb və onların üzərindən 13 kq narkotik vasitə aşkar edilib”, - deyə məlumatda deyilir.

Əməliyyat zamanı 1 İran və bir neçə Ermənistan vətəndaşı saxlanılıb.

Faktla bağlı cinayət işi başlanıb.

Geri qayıt