Azərbaycan və ABŞ arasında ticari əlaqələrin möhkəmləndirilməsində kommersiya banklarının rolu müzakirə edilib.
"Birxeber.Az" bu barədə Azərbaycan Mərkəzi Bankına (AMB) istinadən xəbər verir.
Məlumata görə, ABŞ-də səfərdə olan Azərbaycanın bankçılıq missiyası Beynəlxalq İnkişaf Maliyyə Korporasiyası və “Export-Import” Bankının nümayəndələri ilə görüşüb. Görüşlərdə iki ölkə arasında ticari əlaqələrin daha da möhkəmləndirilməsi və genişləndirilməsində kommersiya banklarının rolu müzakirə olunub.
