Beynəlxalq Abidələr və Tarixi Yerlər Günü münasibətilə Ramana qəsrində tədbir keçirilib.
APA xəbər verir ki, tədbirdə çıxış edən mədəniyyət nazirinin müavini Səadət Yusifova tarixi-mədəni abidələrimizin bərpa-konservasiyasının Böyük Qayıdışın tərkib hissəsi olduğunu deyib.
Nazir müavini 30 illik işğal dövründə Qarabağ və Şərqi Zəngəzurdakı tarixi-mədəni abidələrimizə qarşı aparılmış vandalizm münasibətinə diqqət çəkib.
Səadət Yusifova Ramana qalasının tarixi əhəmiyyətini də qeyd edərək bildirib ki, Azərbaycan xalqı hər zaman özünün mədəni-tarixi irsinə sahib çıxıb.
Bədii hissənin nümayişindən sonra Ramana qəsrinə ziyarət baş tutub.
Ziyarət zamanı qəsrin tarixi əhəmiyyəti, tikinti tarixi və digər nüanslar ziyarətçilərin diqqətinə çatdırılıb.