Litvanın xarici işlər naziri Qabrielius Landsberqis növbəti Soyuq müharibəyə hazır olmaq barədə xəbərdarlıq edib.
“Birxeber.Az” “RBK Ukraina”ya istinadən xəbər verir ki, o, Kreml rejiminin 10 il hakimiyyətdə qala biləcəyini bildirib: “Ehtimal olunan təhdidlərdən qorunmaq üçün düzgün strategiya hazırlamaq lazımdır”.
Nazir bildirib ki, hazırda Rusiyanın apardığı müharibə təkcə Ukraynaya yox, həm də Avropa və Qərbə qarşıdır: “Soyuq müharibə ssenarisinə diqqətlə hazırlaşmaq lazımdır”.
Qeyd edək ki, bundan əvvəl NATO Hərbi Komitəsinin rəhbəri admiral Rob Bauer Alyansın Rusiya ilə müharibəyə hazır olduğunu bildirib. Almaniyanın müdafiə naziri Boris Pistorios isə söyləyib ki, qarşıdakı illərdə Rusiya ilə Alyans arasında savaş başlaya bilər. NATO baş katibi Yens Stoltenberq isə bildirmişdi ki, blok Rusiya ilə müharibənin qarşısını almağa çalışır. Britaniya Silahlı Qüvvələrinin baş qərargah rəisi də növbəti dünya müharibəsi ilə bağlı mülki əhaliyə xəbərdarlıq edib. Həmçinin Ukrayna Prezidenti Volodimir Zelenski də üçüncü dünya müharibəsinin başlanmasını istisna etmədiyini söyləyib.