ABŞ hava hücumundan müdafiə sistemlərinin (HHM) modernləşdirilməsi üçün Ukraynaya 138 milyon dollar göndərəcək.
APA xəbər verir ki, bu barədə aprelin 11-də Amerikanın Kiyevdəki səfiri Bridcet Brink məlumat verib.
“Bu gün biz kritik hava hücumundan müdafiə sistemlərinin modernləşdirilməsi üçün Ukraynaya 138 milyon dollar ayrılması haqqında saziş imzaladıq”, - səfir “X” sosial şəbəkəsində yazıb.
Brink onu da qeyd edib ki, bu maliyyə Ukraynanın enerji sisteminə davamlı hücumlar qarşısında hava hücumundan müdafiə sisteminin yaxşı işləməsinə kömək edəcək.