Britaniyalı müğənni Robbi Uilyams İngiltərənin “Port Veyl” futbol klubunun prezidenti olub.
“Birxeber.Az” xəbər verir ki, bu barədə komandanın mətbuat xidməti məlumat yayıb.
Musiqiçi doğulduğu Stok-on-Trent şəhərindən olan komandanın çoxdankı azarkeşidir.
“Mənim həyatım qeyri-adi və gözəldir, onun çoxlu dönüşləri olub və prezident postunu almaq xüsusi bir şeydir”, – sənətçi bildirib.
Qeyd edək ki, “Port Veyl” hazırda İngiltərə futbol liqası sistemində üçüncü divizion olan “Liqa 1”də turnirdə qalmaq uğrunda mübarizə aparır.