“Los Anceles Leykers”in basketbolçusu Lebron Ceyms NBA tarixinə düşüb.
“Report” xəbər verir ki, 39 yaşlı idmançı “All Stars” oyunu üçün Qərb komandasının start “5-liy”inə daxil olmaqla bunu bacarıb.
Dördqat NBA çempionu 20-ci dəfə ulduzlar arasında gerçəkləşəcək görüşdə iştirak edəcək. İndiyə qədər heç bir basketbolçu bu göstəriciyə imza ata bilməyib.
Qeyd edək ki, 73-cü “All Stars” oyunu fevralın 18-də İndianapolisdə keçiriləcək. Lebron Ceyms 2005-ci ildən bəri hər il ulduzların qarşılaşmasına cəlb edilib.