COP29-a ev sahibliyi Azərbaycanla Avropa arasında əməkdaşlıqda yeni fürsətlər yaradacaq.
Bunu Avropanın enerji məsələləri üzrə keçmiş komissarı Andres Pibalqs (Andris Priebalgs) "Birxeber.Az" a açıqlamasında deyib.
O bildirib ki, Azərbaycandan sonra COP-a ev sahibliyi Braziliyaya keçəcək:
“Sonra isə ev sahib Braziliyaya keçəcək. Düşünürəm ki, bu müddət ərzində rəsmi Bakı Avropa ilə münasibətlərdə yeni perspektivlərə nail olacaq”.
İkitərəfli münasibətlərə toxunan keçmiş komissar Azərbaycanın Avropanın enerji təchizatında mühüm rol oynadığını bildirib.
"Mən uzun müddət Avropada bu sahə ilə məşğul olmuşam. İşimlə əlaqədar olaraq bir neçə dəfə ölkədə olmuşam. Bilirəm ki, Avropa İttifaqı ilə Azərbaycan arasında bu sahədə əməkdaşlıq var" - o söyləyib.
Keçmiş komissar enerji sahəsində ikitərəfli əlaqələrin konkret xarakter daşıdığına inamını ifadə edib.